Fekk skote min fyrste hjort i kveld. Ei ung hind. Dyret fall like før halv 8.
To ungdyr kom ned på jordet eg satt ved, medan eg var midt i ein kaffikopp. Eg fekk lurt meg bort til rifla, men då kom det ein bil på vegen ved sida av jordet, sjåføren rulla ned vindauget for å fotografera dyra, og dei gjekk til skogs att. Ikkje lenge etterpå kom dei attende, og medan eg venta på at dei skulle stilla seg fint opp, så køyrde ein lastebil forbi, og dyra gjekk vekk nok ein gong. Dei kom igjen like etter. Og då eit av dei stilte seg fint opp med breisida til, på berre 60-70 meters avstand, var det ikkje anna å gjera enn å la skotet gå. Dyret sprang eit lite stykke, eg vil tippa ein stad mellom 30 og 50 meter, før det velta. Eg brukte min Schultz & Larsen Victory i 30-06 og ferdigrulla Oryx.