1. Puss gjennom løpa, og vask vekk evt. lagringsfeitt og denslags med til dømes raudsprit eller noko tilsvarande. Skru gjerne av kolben og sjå etter om det kan vera noko metallspon som ligg igjen. Det kan henda dei har gløymt å reingjera skikkeleg etter maskineringa.
2. Denne tappen vert klemt inn når du lukkar hagla, og gjer at toppleveren går tilbake. Den går ikkje heilt til senter fordi låshakene mellom løpssettet og baskylen (låskassen) har litt å gå på, slik at det skal halda ei stund. Når du manuelt trykker inn denne tappen stangar ikkje låsehakene i baskylen mot løpssettet, og toppleveren går heilt tilbake. Det er ingen grunn til å røra denne tappen, med mindre våpenet skal leggjast delt i koffert og du ikkje vil ha toppleveren stikkande ut på sida.
3. I = Full (1/1), II = Improved Modified (3/4), III = Modified (1/2), IIII = Improved Cylinder (1/4), Ingen merking = Cylinder (0). Ikkje bruk stål eller andre harde hagl i I og II. III og IIII er greie allround jaktchokar. Cyl. er grei på dei kortaste holda. I og II funkar fint på lengre hold med mjuke hagl.
4. Som stokkolje er det linoljebaserte, silikonfrie produkt som gjeld. CCL er eit merke som fins i vanleg handel og får ein del skrøyt her inne. Det kan og nemnast at forumbrukar Raudnakke lagar ein særdeles fin stokkolje. Når det gjeld våpenolje har eg nokon konkrete favorittar. Eg vil anta at det meste er brukbart, sjølv om det er litt ulike eigenskapar ute og går. I leddet mellom baskylen og løpssettet smører eg med våpenfeitt.
Håpar dette kan vera til hjelp.
Gratulerer med ny hagle, forresten