Som eies allereie har påpeika, så er epletre (og andre frukttre) svært utsette for sprekker. Å grovarbeida eit par emner, for så å lata dei stabilisera seg er nok det luraste. Pass på at ikkje margen i treet er med i emnet. Dette for å redusera risikoen for sprekk. Når det gjeld PEG, så veit eg ikkje kor godt det er eigna til bruk på børsestokk. Eg veit at treverket kan koma til å "sveitta" ut noko av stoffet etter kvart, og det kan vel skjemma ut ei fin oljebehandling.
Laminering er kanskje det mest safe valet. Om dei grovarbeidde emnane ikkje held mål etter tørking, kan dei kløyvast opp og laminerast. Eit anna alternativ kan vera å berre bruka epletreet til smådetaljar på ein stokk av til dømes valnøtt. Det er ein tråd her på forumet der ein nevenyttig kar har laga ein stokk der ei seljerot har vorte nytta til mellom anna avslutning på pistolgrepet. Det såg verkeleg bra ut! Om du leitar i Børsemaker og prosjekt-forumet, så reknar eg med du finn tråden.
Lukke til med stokkprosjektet
Edit: Her er link til tråden eg nemte: http://www.kammeret.no/forum/viewtopic.php?f=38&t=3089