.22-Krag

Med fabrikkammunisjon så er vel skilnaden i utgangshastigheit (og dermed rekyl) marginal på .30-06 kontra .308, så akkurat det argumentet er vel nesten ei myte. Og så vil eg påstå at både 6,5x55 og .30-06 er finare å sjå til enn "automatdvergen", sjølv om eg aldri har ått ei børse i kaliber .30

Har ikkje erfaring med .280AI, men derimot 6,5-06AI i ein M98 og hadde aldri mateproblem med den. Har òg lese (i Ladeboken? ) om at mating frå magasin kan vere eit problem med patroner med bratt skulder, men kan ikkje sei eg trur det er veldig vanleg. Kan ikkje minnast å ha lese noko særleg om dette her inne i alle fall. Når det gjeld custombygg som M98, kjem det vel an på kompetansen til børsemakaren om mating blir eit problem eller ikkje. Med ein 404 burde den som skal levere pipa kunne svare deg på om det kan bli problem med mating frå magasin. Skyteforming av .280 Rem til .280AI er uproblematisk. At kriteriet ditt for val av patron er om du får tak i bushing die eller ikkje skjønar eg ikkje noko av... Pipa mi i 6,5-06AI gav opp etter 20+ år med dårleg stell, så eg bytta til ein 202 Outback i 7x64. Etter 2-3 år med 7x64 er eg godt nøgd med den patrona. Om du vel 7x64, .280 standard eller improved blir nok i praksis hipp som happ. Etter vel 20 år med villkatt som krev skyteforming av hylser såg eg sjeldan på det som noko stort problem, men ei gong i blant hadde det vore fint å berre kunne kjøpe seg ei pakke skot over disk. Eg berre nemner det...

Tok du ut batteriet av Swaro'en og justera manuelt på tårnet då eller...?

Tenkte jeg ikke skulle gni det inn.. Eg har ingen problem med å bli fortalt at eg tenker heilt feil i denne samanheng for dette har eg ingen som helst greie på. Men eg set pris på å få så gode forklaringar på kvifor eg tenker heilt feil, så lærer eg noko nytt i dag òg.

Hvordan forklarer du det med fysikk? I mitt enkle hovud er vel det på grunn av at farten gjeng ned? Med ein gitt boge altså. Så ein må over på ein kraftigare boge for å "hente" energi ut av tyngre piler? Omtrent som når ein må over på tregare krutt for å få fart på tyngre kuler... Eller tenker eg fullstendig feil her?

Er ikkje våpenlova og våpenforskrifta litt motstridande på dette punktet eigentleg? I alle fall når det gjeld transport. Forskrifta krev ikkje tildekking under transport, berre om ein forlèt våpen i bilen utan forsvarleg tilsyn... Våpenlova: § 20.Krav til mellombels oppbevaring, transport og sending av skytevåpen, våpendelar og ammunisjon Den som har, brukar, mellombels oppbevarer eller transporterer løyvepliktige skytevåpen, våpendelar eller ammunisjon etter §§ 5, 6 eller 7, skal ha med dokumentasjon på lovleg tilkomst til gjenstandane og skal syne fram dokumentasjonen på førespurnad frå politiet. Den som mellombels oppbevarer eller transporterer skytevåpen, våpendelar eller ammunisjon som nemnd i første ledd, skal syte for at gjenstandane er forsvarleg tryggja mot at uvedkomande får tak i dei. Under transport eller mellombels oppbevaring skal gjenstandane vere pakka slik at dei ikkje er synlege eller lett tilgjengelege. Skytevåpen og ammunisjon, som nemnd i første ledd, skal vere åtskilde under transport og mellombels oppbevaring, med mindre skytevåpen og ammunisjon vert oppbevarte i tryggingsskap eller våpenrom etter § 19. Våpenforskrifta: § 6-7.Krav til transport og sending av skytevåpen og ammunisjon Den som transporterar skytevåpen på offentleg stad kan ikkje bære skytevåpenet i hylster eller liknande, som er festa til kroppen på ein slik måte at det gjev rask tilkomst til skytevåpenet. Den som transporterar skytevåpen eller ammunisjon etter våpenlova § 20 i motorvogn skal ha skytevåpen og ammunisjon under forsvarleg tilsyn. Skytevåpen eller ammunisjon som transporterast i motorvogn kan likevel forlatast utan forsvarleg tilsyn når skytevåpen og ammunisjon er pakka og skjult og motorvogna er låst, eller når vital del av skytevåpen er fjerna. Ved sending av løyvepliktige skytevåpen skal skytevåpenet tryggast slik at det ikkje kan brukast. Skytevåpenet kan enten tryggast med kammerlås eller liknande innretning, eller ved å sende ein vital våpendel i eiga sending. Ammunisjon skal ikkje pakkast saman med eit komplett skytevåpen. Den som skal sende eller transportere ammunisjon må i tillegg til krava som er fastsett i andre og tredje ledd også oppfylle krava til transport eller sending av eksplosivar etter brann- og eksplosjonsvernlova. Føresegnene i første og andre ledd gjeld ikkje for Svalbard. Sysselmeisteren på Svalbard kan gje nærare retningsliner om transport av skytevåpen, våpendelar og ammunisjon på Svalbard.

Er einig i at det ikkje er spesielt relevant å dra inn begrepet skarpskyttar inn her. Men Forsvaret treng gode skyttarar som er vant til å bruke optiske sikte. Dog burde dei òg kunne bruke reservesiktet på forsvarets våpen som er diopter/holsikte.

Eg synest Hr. Feltstykket kunne lagt litt meir arbeid i artikkelen sin. Det er litt ymse usanningar og dårlege formuleringar der. "Dette fordi jaktvåpen har kun tre-skudds magasin." Direkte feil. Men mange jaktvåpen har det. "Det legges også opp til at man i en lavterskelklasse som dette ikke skal være krav om skyteklær, men det man normalt bruker på jakt." Det har aldri vore krav om skyteklær i nokon klasse i DFS, men det er tillate. "Skyteklær (jakke, bukse, hanske, albuebeskytter etc) er ikke tillatt." Og så lenger ned i teksten: Albuebeskytter (jf. Skytterboka 8.163) er tillatt. Og når det kjem til reglane synest eg det er litt snodig at ein må plombere sikter med meir enn 12x forstørring. Eg trur ikkje det er noko særleg fordel å ha meir forstørring, men for dei som har det så er det altså ikkje aktuelt å endre forstørring i løpet av eit stemne/feltløype?

Ja, gud forby om folk skal få lov til å skyte meir. Eg er typen som ikkje likar å skyte eit stevne og så hive meg i bilen for å rekke neste. Eg er ein stor fan av måten pistolskyttarane gjer det på feltstevne. Møt opp og ta fleire rundar i feltløypa med ulike våpen. Klarer ikkje å sjå problemet med å ha det på same måten i DFS, kanskje med unntak av føring av resultat på same person. Mogleg ein må ha endå ein skyttar-ID for å få det til.

Slik eg tolkar det så blir det framleis ikkje mogleg å skyte både kikkert og klasseført på same stemne? Eg ser ikkje problemet med å tillate dette. Me kan skyte både HK416 og klasseført, men altså ikkje kikkertklasse i tillegg. Om det er milling av avstand med høg forstørring folk trur er ein fordel så er det berre å stille krav til at ein skyt klasseført fyrst og kikkert etterpå.

Eg prøva 120gr Sonic Target med standardladninga eg brukar bak 130gr Norma GT. Stussa litt på den voldsomme farten, 44gr N19 gav 949m/s og så der presisjon i ei 73 cm LW pipe i Saueren. Såg ingen klare teikn på overtrykk, men det er nok ikkje langt unna maksladning... Denne LOT'en N19 er noko raskare enn den eg har hatt tidlegare. 130gr Norma GT + 44gr N19 gav 874m/s tidlegare mot 906m/s med den siste LOT'en.

Det @Torf meiner har ikkje noko med storleiken på brukaren å gjere. Det har med ergonomi som er ein fordel reint skyteteknisk.

Du treng ikkje sende inn ny søknad, han kan vel signere på den som manglar signatur? Du får den nok i retur om du spør, eller kanskje far din kan innom våpenkontoret og signere?

Eg låg på Bømoen og storkosa meg med resten av samlaget under LS/Mil NM, men gløymde heile Kammertreffet Det einaste "Kammertreffet" eg fekk med meg var å møte @M67 på arenaen. Og så låg eg ved sida av @høggern på feltfinalen. (Han knabba forresten 2 Normahylser av meg, den sniken...)

Her har du eit godt alternativ til å kjøpe nytt: Carl Zeiss Jena 8 x 30 Kikkert | FINN torget

Det er klin umogleg å få det til å passe for alle så det er vel berre å finne ein stad og eit tidspunkt og så annonsere. Eg tek gjerne ein bayer med Kammeratar om det skulle passe

Vortex Optics Raptor 8.5x32, håndkikkert - STD - Kikkert | XXL Dette er vel den biligaste varianten til Vortex. Om den kan justerast "smalt" nok til ei jente på 4 veit eg ikkje, men med Vortex sin garanti så får du vel ny om ho skulle klare å øydeleggje den...

Prøv òg å søk på berre "6,5" på Finn så finn du nokre som ikkje dukkar opp om ein søkjer på "6,5x55". Det er ein del folk der ute som ikkje har svart belte i Finn.no og prøvar å selje "Børse" for eksempel: https://www.finn.no/bap/forsale/ad.html?finnkode=261604262

Med ørlite modifisering fungerar vel Østliens hurtigladar til Kragen òg. Litt mindre sjans for å spre 4-5 patroner utover standplass med den...

Det står i tråden. Ser ut som han har prøva litt forskjellig, ja:

XXL Sandvika har ein Ase Utra SL5i .30 14x1 i hylla til den nette sum av 1500,- kroner. Det må då vera billig for ein dønn solid ståldempar av anerkjent merke?

Slik eg les det så kan ein ikkje stille i både MR223 og HK416 om det var det du tenkte på? "De som ikke kvalifiserer seg for å representere sitt HV-distrikt eller avdeling, og som er medlem i NROF kan skyte MR223-klassen gjennom sitt lokale NROF (med MR223, HK416 er ikke tillatt)."

Etter det eg har funne ut så er 2 siffer bak serienummer produksjonsåret. Men på mitt våpenkort er desse siffera inkludera i serienummeret. Det vil eg tru er forholdsvis vanleg når ein ser på dei mange variantane av serienummer og modellnamn som våpenkontora rundt om klarer å komme opp med... Så om det står for eksempel 52055 67 så er det ein 1967 modell.

Og det er meir normalen enn unntaket...

@Jegermeistern Om du ikkje plent må ha Tipton så finnes det alternativ om du søker litt på verdsveven etter "Range Box" eller "Shooting Range Box". Eg har denne frå MTM: https://mtmcase-gard.com/products/shooting-range-box-n-maintenance-center Min kjem frå Brownells(.no), men eg ser dei har berre inne "Tactical" varianten no, til ein latterleg høg pris. Elles har vel Jaktdepotet ein versjon frå Tsunami, men eg er usikker på om den er litt "Nille" i kvaliteten: https://www.jaktdepotet.no/tsunami-tactical-range-box-gun-maintenance-center