"Masse."
Ull under og bomull eller membran oppå. Aldri t-skjorte i bomull, må ha ull mot skinnet. Når det røynar på, stilongs, men då skal det vera blåkulde. Feltskjorta i bomull av gamal modell er eg sterkt kritisk til, den nye i ull er gullegod. Plar bruka eigen ullmakko vinterstid.
Til ytterlag er Forsvaret sine gamle bomullsuniformar knallgode vinterstid når det er tørt. Skikkeleg vindtette og gjer god isolasjon, særskild om ein brukar dei rett, altså utan altfor mykje snøring og stramming. I blautare snø blir det meir vatn, men du kan tørka dei med sterk varme. Feltbuksa er god og varm, og tørkar raskt på kroppen om du held deg i litt aktivitet. Dei nye membranuniformane er ikkje så gode vinterstid når det er kaldt, tykkjer eg, men dei er framifrå i dei kjipe vår- og haustmånadene når du ikkje heilt veit om det snør eller regner.
Resten av utstyret er heilt OK. Vindvottene som komplett sett er veldig fine, og for meg som har "fiskarnever" som alltid held seg varme, er fingervantene alltid med. Det nye tungvektarutstyret - boblejakka - er vinterkledas taktiske atomvåpen. Satan den varmar. Den skal med på isfiske for hardtesting i januar.
M77-støvlane i seg sjølv er heilt utan ekstrautstyr, men med gode innleggssålar, nokre par tynne og nokre par tjukke ullsokkar, og Forsvaret sine fotposer, har du faktisk ein kombinasjon som funkar året rundt. Eg likar ganske godt å gå med M77, fordi eg likar å få god kontakt med underlaget , altfor tjukk såle gjer at eg ikkje er så trygg i steget. Smak og behag.
NATO-genser er til garnisonsbruk, om ein brukar den i det heile sidan den er ganske ukomfortabel, og gjer deg akkurat den isolasjonen du treng for ikkje å frysa i hel når du snublar i grøfta på veg heim frå befalsmessa og sovnar i grøfta.