Har hatt ei slik i kaliber 12/76 sidan tidleg på åttitalet. Den har 91 cm langt løp, full trangboring, og er vanvittig tung. Den har utvendig hane, og er laga slik at avtrekkaren må vera inne heile tida medan hanen fell, for at tenn nåla skal koma fram. Med andre ord ein sikker konstruksjon.
Det er særs krevjande å treffa ting som ikkje står i ro med med ei så lang og tung hagla. Eg har jakta og trent mykje med mi, men det har vorte meir bom en treff. Nokre ender og orrfuglar har ikkje vore etande grunna stjernetreff på for kort avstand. Truleg er hagla brukande til åtejakt på rev, men det har eg aldrig prøvd.
Etter at blyhaglforbudet kom, har eg ikkje brukt mi, mest av di eg ikkje kan trena med stålhagl i ho.