Hei!
Har tenkt ei stund på om ikkje NSU skulle hatt ei nasjonal klasse for 2-hands pistol/revolvar. Feks. Mariette, 2-hands.
Grunnen til framlegget er å betre rekrutteringa. Det er ikkje til å kome forbi at rekrutteringa til NSU er dårleg. Mi erfaring er at det er ganske mange som er interesserte og prøvar ei stund, men konkurranseprogramma vert opplevd som ganske vanskelege. Nokre kjem på eit stemne eller to, får dårlege resultat, og så ser vi dei ikkje meir... Hadde det vore ein ide og innført ei nasjonal klasse (ikkje nødvendigvis på NM, men som kan skytast på approberte stemner) der det kan skytast 2-hands? Mest nærliggande er å innføre 2-hands Mariette, sidan dette er den mest vanlege inngangsporten til svartkruttskytinga.
For meg personleg (dette skal sjølvsagt ikkje tilleggast noko avgjerande vekt) har dette vorte spesielt aktuelt dei siste månadene, sidan eg har ein senebetennelse i høgre hand som gjer at eg ikkje kan skyte ein-hands, men 2-hands går rimeleg greit)
Eg trur det hadde betra rekrutteringa om vi hadde ei klasse på approberte stemner for Mariette-2hands.
Kan tenke meg å foreslå dette på årsmøtet i NSU i år, eller neste år. Men vil gjerne høyre andre sine meiningar.
Køyr diskusjon!
Mvh
Bjørnar Osnes, Ørsta/Volda PK
PS: Dette innlegget er også posta på svartkrutt.net