No har eg kome heim frå årets hjortejakt i Lisleherad. Vi drog opp til koja sist sundag og har levt i denne fram til i går. Primitive tilhøve, men ein flott plass nestan midt i terrenget, og med bilvegar som strekkjer seg gjennom alle høgdedraga i området.
Sundag etter adkomt, avgjorde vi oss for å hente éit viltkamera som Jon hadde plassert ved ein saltstein tidlegare i sommar. Vi tok òg ein befaringsrunde på dei postane kor hjorten tidlegare hadde vorte observert. Områdd er utan innmark, men prega av gamle små hogstflater og mykje blandingskog. Vi rydda "veg" til postane ved å kaste vekk dei tørrkvistene som ville skape problem under ansmygning til post.
Måndag morgon kl: 04:30 ringte vekkeklokka i koja. Forventningene var store til trass for at viltkamera ikkje hadde teke bilete av hjort på 14 dagar ! Postane var klåre og hodelyktene full ladet. Etter ein kjapp frukost og kaffi kopp bar det til skog sin der postane vart avgjort etter vindretning. Jon og eg hadde avgjort oss om å poste fram til kl 09:30. Etter denne tida fell hjorten ofte i ro eller trekkjer seg vekk frå opne beiteområde. Sjølv så eg verken dyr eller fugl denne morgonen, men Jon hadde hatt besøk av ein piggokse.
Då vi samla oss i koja vart gasskomfyren på nytt tent og ein betre lunsj sto på menyen. Ertar, kjøt og flesk med ein pils vart reine sovemedisinen og vi slåknet begge 2 på kvar skumgummi madrass til klokka runda 4.
Vi valde same post til kveldsjakta, men inkje ville vise seg.
Tysdag byrja likt som måndag. Vi valde dei same postane mykje pga vinden. Eg var han einaste som fekk selskap på post denne dagen. Det var ein elgokse på 6 taggar som elghunden i naboterrenget verkeleg fekk lufta ! Fy som ein fart til trass for at hunden låg forholdsvis langt bak. Ertar, kjøt og flesk vart bytt ut med lapskaus...
Onsdag morgon måtte vi skrape is av bilen ! Det var rett og slett kaldt. Vinden hadde dreidd seg litt og vi prøvde nye postar denne dagen. Ikkje hadde vi sett hjortespor tidlegare, og denne dagen vart lik dei andre. Fullt daudt, og med regn til kveld sin vart det stearinlys, pokerentil 2 menn og litt fleire pils på kvelden istedetfor jakt.
Torsdag hadde regnt gjeve seg og forventningene etter regnværet kvelden og natta før, gav oss eit nytt von om svolten hjort i ope terreng. Det skulle vise seg at hjorten på nytt glimra med sitt fravær, men eg fekk ein veldig fin opplevelse på post då ein elgokse på 8 taggar og ei elgku med tvilling kalvar kom smygande ut på post like før det vart heilt mørkt. Slike opplevelser sit lengje i hovudet.
Fredag vart dagen då orrfuglen spila for oss på post, fantastisk. Han heldt det gåande på morgon og kveld. Ei skikkeleg cowboy gryte med flesk, bacon, bøner og egg sat verkeleg i gang magesekken, og det vart nokre turar på utedassen før natta !
Laurdag vart det berre morgenjakt fordi eg skulle i festelige lag om ettermiddagen. Jon fekk ei rågeit med kje på post samt ein 4 taggar elgokse, sjølv fekk eg 4 tiuer som kom seglande og slo seg ned i ei furukrone ca 120m frå post.
Avsluttning: Jon og eg har hatt ei flott veke i Telemark. Di verre resultat lòs når det gjeld hjort, men veldig rikt på mykje anna. Fleire hjort sto i havreåkeren i naboterrenget og ei gruppe gaupe kan mogleg vere årsaka til at vi ikkje fekk hjort på post denne veka. Uansett så har vi kost oss masse og gleder oss veldig til neste sesong. (Jon skal jakte fram til jul, eg var bede med denne veka)