Her er ei hjortegryte litt utanom det vanlege, og bør prøvast av dei som har ete seg lei på fløyte/rømmebaserte mjøljevna viltsausar som er så tjukke at dei står på høgkant:
200 gram kjøt per person. Kan også lagast med kjøt på bein, f.eks skanke eller bogstykker.
(oppskrift til 6-8 pers:)
Du treng:
2 flasker (!) rødvin, gjerne ein tørr type (barolo el. barbaresco funkar flott)
1 god pose porcini (tørka steinsopp)
1 bunt persille
1 glas soltørka tomat
Ei handfull svart oliven
I fersk rosmarinplante
Kvitløk
6-7 plommetomater
Ca 7-8 dl god kraft
1. Hakk rosmarinblad saman med kvitløk, bland i litt svart pepper og maldonsalt. Gni kjøttet inn med blandinga og lat stå i romtemp. i 2-3 timar.
2. Ha rosmarinstilkane i ein kjele, saman med to flasker rødvin. Kok inn til ca 1/3.
3. Legg porcinien i håndlunka vatn i ei skål.
4. Brun kjøttet, og kok ut steikepanna med litt rødvin og balsamicoeddik, før du har alt over i kjelen du skal koke gryta i.
Ttilsett soltørka tomat og plommetomatene. Tilsett 1-2 ts sukker.
5. Tilsett soppen OG BLØTEVATNET!!
6. Spe med kraft, og lat gryta koke. Tilsett svart oliven. Type kjøtt avgjer koketida, men blir best med bogkjøt på bein og koketid ca tre timar.
7. Når kjøtet er ferdig, tar du dette opp og legg i ei skål, evt serveringsfat.
8. Skru opp varmen på kjelen og kok vidare utan lokk, slik at du reduserer det heile til nesten ein sirup, før du til slutt piskar inn nokre terningar med meierismør rett frå kjøleskapet.
9. Slå sausen over kjøttet i skåla/serveringsfatet. Klipp over persillebunten.
Dette er eigentleg ei oppskrift frå Nord-Italia (Piemonte), basert på kaninkjøt. Men funkar strålande til hjort/rein/rådyr/oksehale. Dette er ei smaksbombe som gjestene dine garantert ikkje gløymer. Særleg når du fortel at det ikkje er ein einaste mjølkladd, rømme eller fløyte inne i bildet.
Prøv med ein barbaresco eller litt røff barbera som følge. Anna tilbehør: Heimebakt focaccia, litt villris, mandelpoteter - bruk fantasien.