Vektor SP1?

[ZerBlatt]

Heisann

Jeg har nettopp kjøpt en brukt Vektor SP1 9mm (nesten ny) for en billig penge (auksjon i min lokale pistolklubb). Jeg har forsøkt å få tak i brukerhåndbok og/eller sprengtengning av denne pistolen. Klarer ikke å finne noesomhelst noen steder. Er det noen her som har en tilsvarende pistol som kunne vært vennlig å få tatt en kopi av brukerhåndboka å sendt den til meg på mail, eller kunne fortalt meg hvor jeg kan finne en slik?

Har lett på nettet, men finner ingenting annet enn vanlige bilder av pistolen.

Det er faste sikter på denne pistolen, men kunne tenkt meg å sette på justerbart baksikte. Baksiktet sitter i et spor, og det ser ut til at det kan byttes ut. Har også lyst til å få gjort noe med avtrekket, men jeg er ikke veldig erfaren med å demontere våpen, så dersom noen kanskje har noe tips, eller vet endel om denne pistolen hadde det vært flott om de kunne tatt kontakt.

 

Mvh

ZerBlatt

[kammerlås]

SP1 er en modifisert Beretta 92F, godt mulig du finner alt du trenger ved å lese manualene for Beretta. Det burde være enkelt å finne noen varianter av dem på nett, samt sikkert en haug med youtube-klipp som viser demonering/sammensetting.

[oysteinlarsen]

Vektor er eit Pretoria-basert delselskap i Denel, eit digert sør-afrikansk forsvarsindustri-konglomerat. Vektor SP-1 er standard tenestepistol i det sør-afrikanske forsvaret og politiet. Den er òg populær som sjølvforsvarspistol hjå sivile i SA. Med andre ord er det ein pistol som ofte blir brukt i det VJ vel ein gong kalla "sosial samanheng". Mykje. Trettiskotsmagasin er standardutstyr for politifolk på gata i Johanna.

 

 

Tilfeldigvis er SP-1 til våre meir fredsæla traktar av verda òg ein sportspistol som eg tykkjer har nydelig presisjon, eit tungt men ganske reint enkeltspent avtrekk, bra sikringar, eit overraskande godt skjefte, og solid funksjonssikkerheit til ein ganske snill pris, noko som er grunnen til at eg kjøpte ein for seks-sju år sidan. Eg var fattig student på den tida, og ville ha ein double action-pistol eg kunne bruka til vidt forskjellige ting, inkludert praktisk production-klasse, utan at eg måtte ta kål på ølbudsjettet for fleire månader framover. Me kallar dette på fagspråket for "prioritering". Eg tykkjer sjølv eg fekk eit ganske bra kompromiss. Ølet er drukke og gløymd, anna enn det som ligg rundt magen, men pistolen skyt eg framleis mykje med. Eg har aldri gjort noko med den, og veit ikkje om eg gidd heller. Den funkar. Bra. Veldig bra. Eg har nok av andre ting eg kan problematisera i staden for.

 

Pistolen er ein ulisensiert kopi av Beretta 92FS frå den tida då Sør-Afrika var slemmaste guten i klassen og ikkje fekk kjøpa våpen frå utlandet, med unntak av frå Israel, som då og no handlar med alt og alle så lenge dei får ein tryggleiksgevinst for landet sitt, til dømes i form av sør-afrikansk uran, og frå Finland, som utover i den kalde krigen hadde ein ganske...pragmatisk haldning til ting, noko du helst skal ha, om du bur i same borettslaget som Josef Stalin. Nok om det.

 

Altså, dei fekk tak i nokre Beretta 92-pistolar og rett og slett de- og re-konstruerte dei. Sørafrikanarane er flinke med mekanikk. Til å byrja med gav sør-afrikanarane like mykje faen i opphavsrettar som i menneskerettar, og kopierte Beretta-pistolen skrue for skrue og kalla den Z-88. Seinare kom dei på betre tankar (kva gjeld menneskerettane, altså), så Vektor laga heil i staden for open sleide, vrei litt på avtrekkarbøyla, og kalla den SP-1. Slik vrei dei seg unna Beretta-advokatane, og sidan dei ikkje sel så altfor mange av dei til sivile utanfor Sør-Afrika, har det heller ikkje blitt så mykje ståk.

 

Den er framleis såpass kompatibel med Beretta 92 at du kan kjøpa dei fleste delane og bytta om. Det er ein versjon i .40 S&W, og eit par sportsleggjorte versjonar med trimma SAO-avtrekk og rett avtrekkar (som er fantastisk digg, om du prøvar det). Ein versjon med nedkorta skjefte og løp til offisersbruk er òg laga, i fall marsipanbrøda på skuldra dine er så tunge at det blir reint for mykje for gamle giktbrotne generalbein å måtte bæra ein heil fullstørrelse-pistol attåt...vel, når det er sagt: sleiden er massiv. Eg undrar av og til på om dette er noko av det som gjer den solide funksjonen - meir masse framover er lik meir energi, eller "kladunk"-kraft som eg likar å kalla det, til å overkomma større og mindre mekaniske hindringar, materieoppbygging og liknande. Berre ein teori, men eg har samstundes merka med at Kalasjnikov-våpen og AG-3, som alle har nokon digre stålgjedder til sluttstykker, funkar solid og jamnt. Diskutér, grei ut foran klassen på måndag.

 

Altså, for å oppsummera fjaset mitt så har du kjøpt ein solid, velfungerande og presis pistol til militærfelt og IPSC Production Division. Gje beng i å trimme og mekke på den, sidan den alt funkar bra til desse formåla slik den er. Kjøp heller ein 1911 eller liknande om du vil ha ein racerpistol. Hadde du sikta deg inn på pallplass i NM Felt Militær, hadde du kjøpt deg ein Pardini eller SIG P-210 for lenge sidan. Nokon vil klage på at magasina er for små til IPSC production. 15 skot held bra nok, men eg har tenkt å få kjøpt flush-fit 17-skots magasin frå Mec-Gar ein av desse dagane. 18-skots finst òg, men eg veit ikkje om dei går til production sidan dei endrar originaldimensjonane litt.

 

Gratulerar! Her er bileta av min (ja, eg veit sikringa er av, og ja, eg drit i det.)

 

 

Elskar du ikkje å bu i eit land der du kan publisera bileta av pistolen din med full serienummer, sidan du uansett har papir frå snuten på at du eig den?

 

 

Bruksanvisninga kjem på afrikaans og engelsk. Afrikaans er nære nok til norsk til at du skjønar brorparten, og det ser jævlig raft ut med ein afrikaans-språkleg pistolmanual. OG! OG! Neste gong nokon diskuterar afrikansk økonomisk utvikling med deg på fest, kan du spørja dei kva tid dei sist kjøpte eit høgteknologisk, lokalprodusert, afrikansk industriprodukt.

 

 

"Don't point dat fookken' tentacle! "

 

"Hellau, little guy! It's the sweetey man comin'!"

 

 

 

Hopp, Johanna, hopp!

http://www.youtube.com/watch?v=bNNfAuMq-M0

 

Verdas finaste nasjonalsang har dei òg:

[ZerBlatt]

Hei

Takk for svar, men jeg lurer fortsatt på om det er mulig å få tak i en kopi av manualen? Greit å ha.

Grunnen til at jeg tenkte på justerbart baksikte er at min Vektor går endel for høyt. Jeg kan jo alltids mekke på siktene manuellt, men tenkte at det hadde vært greit med et justerbart for forskjellige forhold og ladninger. Dessuten har jeg litt lyst å få gjort noe med avtrekket. Trykkpunktet er litt for langt bak etter min smak. Får litt problemer med å få jevnt gode avtrekk. Har en tendens å nappe skuddene litt for mye når det kommer så langt bak. Jeg skal se om jeg får tak i en Beretta manual og sammenligne.

 

mvh

ZerBlatt

[oysteinlarsen]

Skal skanne inn til deg, nema problema.

 

Eg trudde òg at min gjekk høgt heilt til eg kikka litt nærare på teknikken min... har du sjekka sittande stilling med god støtte nede og oppe? Eg fann ut at eg hadde eit for veikt grep og tok i avtrekkaren skeivt, kombinert med hardt avtrekk og litt høg senterlinje gav det greie samlingar, men stort sett rundt klokka ti over halv tre. Kan godt vera du har sinnsvakt mykje meir peil enn meg på pistolskyting, faktisk vil eg seia at det er nesten garantert, så eg skal ikkje legga meg så mykje oppi dette her. Vil tru det er lassevis med gode justerbare sikter som vil passa bra, og at det er ein smal sak for ein flink børsemakar å frese, file og mekke til om det ikkje passar rett inn i svalehalesporet.

 

Send meg ein PM med ein epost-adresse så skal eg skanne heile manualen til deg på jobb i morgon. Eg er ikkje ein spam-bot.