For å ta det heilt grunnleggande: Det er mange vegar som fører til rom! Og det er mange måter å trene ein ettersøks/sporhund.
Sjølv så er eg tillhengar av å starte med korte blodspor for så og øke lengde og alder. Er av den oppfatning at ein ikkje skal bruke for mykje blod eller for kort mellom dråpane på eit nybyrjarspor, ca 50cm på fyrste spor og deretter med 1 meter. Ein trena hund skal ein variere både alder og lengde på sporet det er og ein fordel å variere blodmengda.
Kjenner fleire som trenar hundane sine berre på spor etter folk til å byrja med gjerne med godbitar i. Da kan dei få trene fleire spor på kort tid og det er ikkje nødvendig med planlegging av treninga i så stor grad.
Dei legg att pinnar og andre ting som hnden skal finne på sporet. Er vel det same som på sporet til brukshund.
Dette gjer dei og etter at dei har starta med blod.
Dømde ein hund som var trena som søkshund, Hadde aldri gått blodspor men førar ville prøve for moro. Var spornøye og gjekk nesten heile sporet før den rauk ut på ferskspor. Men den var trena til å gå fort ( skal finne folk fortast mogleg) så tempo vart alt for høgt. Men ho var sprek ho som eigde hunden så det var ikkje ho bremsa.
Tren med andre, gå prøver. Spør dei som går bak kva dei legg merke til og kva dei meiner du må trene meir på. Har du moglegheit så vær sporlegger på prøver, du lærer utruleg mykje av det.
Til sist så hugs på at du ikkje kan lere hunden din til å gå spor! Det kan den, du skal lære å lese hunden. Korleis den oppfører seg når den går av sporet, om det er på ferskspor eller berre at den mister det. Hunden gjer forskjellige signal alt ettersom kva den jobber med.