Me var 3 hjortejegere, Jarle, Svein og Henning i frå Sveio som hadde ein draum om å reisa til Afrika på antilopejakt. Me hadde reist litt til andre land som Sverige, Tyskland, Litauen, Moldavia, men Afrika hadde me ingen erfaring med.
Planlegging av tur:
Kven skal me reisa med? Me sjekka dei fleste aktørene på markedet gjennom internett, på telefon og med andre som hadde vore på liknande reiser. Me snakka med fleire hyggelege personar som gav oss gode råd og informasjon om slike jaktturer. Det var ikkje enkelt å velja, men etter ei totalvurdering så enda me opp med Safari Mangement og Tom Jensen. Tom Jensen og Safari Mangement sto fram som dei me trudde hadde det beste tilbodet for oss som sette jakta i høgsetet. Bl.a. så visste me at i dette området var det ein god sjanse for å få oss ein stor kudu. Prisen på turen var og konkurransedyktig - 19.900 NOK for 7 dagars jakt, då er alle utgifter til reise, opphald, mat , drikke (fri bar) m.m dekka.
Våpen og ammunisjon:
Som hjortejeger nyttar både eg og Svein kal. 308 w. Henning brukar 6.5 x55. Eg snakka med Tom Jensen om dette, han sa bruk den rifla du elles nyttar på jakt i Noreg. Så det vart til at mi tidlegare tiltenkte Afrika rifle, 300 wetherby vart igjen heime. Brukte denne nokre år på hjortejakt og elgjakt, men fann ut at dyra ”daua” like godt av mi gode gamle sako forrester 308 w. Svein lada opp med si gode gamle favorittkule, nosler partition 165 grs. Eg kjøpte ferdiglada fusion 165 grs, denne har eg nytta dei siste 2 åra på hjortejakt med god erfaring. Henning hadde 140 grs nosler partition.
Turen:
Før me reiste hadde me heile tida ein dialog med Tom Jensen, han ordna alle papirer og holdt oss underretta om ting som var viktige for oss å vita om. Flyreisa frå Haugesund til Sørafrika gjekk utan problemer. På flyplassen i Johannesburg møtte me vår mann frå Safari Mangement.
Etter ein hyggeleg kjøretur med inlagde stopp med litt mat og drikke var me framme i leiren til Kwalata Wilderness.
Frå venstre Henning, Jarle og Svein. Maten var topp
Mat med profesjonell hunter
Middag ute med bål
Fasilitene i leiren var langt over kva me hadde venta. Me fekk kvart vårt hus som me sov i. Kleda vart vaska , sengene reidde opp, mat i ypperste klasse og menneskene som arbeidde der gjorde sitt ytterste for at me skulle ha det så bra som mogeleg.
Gode fasiliter, med bla basseng
Etter litt mat var det innskyting av våpen, så var me ein liten tur på jakt før det blei mørkt. Om kvelden snakka me med sjefen på Kwalata, Reinhard Heuser om kva me ynskte å felle.
Me tre jegrane hadde ulike ynskjer og mengde dyr me ville prøva å felle. Eg forsto raskt at noko skytepress blei det ikkje. Dersom ein ynskte å skyta eitt dyr var dette greit, ynskte ein å skyta 10 så var dette og greit. Det var heilt opp til den enkelte jeger å bestemma. Det skulle vise seg at Reinert Heuser var ein særs god vert under turen. Han var med på jakta, var med under alle middagane og kveldane, han var i strålande humør og hadde alltid en god kommentar på lur.
Jakta:
Jakta starta kl. 07.30 om morgonen. Me køyrde ut til der me skulle jakta frå, og gjekk på smygjakt etter dyra. Kl. 12.30- 13.30 var det lunsj inne i leiren. Så var det ut igjen på jakt til det vart mørkt. Under jakta var det alltid ein som var sporfinnar, ein som var jaktansvarleg med skytestokk som sa når ein kunne skyte. Eg som jeger brukte og kikkerten min flittig og det hendte at eg såg dyr før dei to andre, men det var sjeldan
Stort landskap, kan minne om tette bjørkelier i Noreg
For meg var det som å jakta etter hjort i lauvskog. Det var digre områder å jakta på. Innenfor det området me kunne jakte på var det 45 mil med veg av ulik kvalitet.
Et av fleire jakttårn, like ved ein drikkeplass
Det var og mogeleg å sitte i jakttårn og vente på dyra, dette gjorde eg ein ettermiddag ved eit vasshol, såg masse ulike dyr og skaut ein diger Warthog (vortesvin) på denne posten.
Denne warthogen skaut eg frå eit jakttårn, det viste seg å vere ein av dei største som er felt dei siste åra.
Denne er liten, skoten under smygjakt
Målet for to av oss var å klare å fella kudu. For meg gjekk ikkje dette. Eg såg to som var skytbare, den eine i 1 sekund, den andre i 3 sek. Kuduen var å finna oppe i fjella og var særs sky og vanskeleg å finne.
Svein hadde betre lukke med si jakt etter kudu, han såg fleire og klarte å fella ein på omlag 52 ” ( dette dyret vart ikkje funne att før etter me hadde reist, difor ikkje bilete).
Det skulle visa seg at 308 w dugde til jakta. Og mi Fusion 165 grs. kule felte alle dyra eg skaut på ein glimrande måte.
Under kjem bilete av nokre av dei dyra me felte på turen.
Blesbukker, skotne med 5 min mellomrom
Blesbukk med Svein og Reinhard Heuser
Watherbuck, felt på smygjakt
Blue Wildebeast (gnu) felt på smygjakt
Zebrahingst rundt 4 år gammal, felt på smygjakt
Bavian er gratis å felle, denne her er tatt frå jakttårn
Gemsbukk eller også oryx som me kaller den, tatt på smygjakt
Nyala, også smygjakt
Det som var forskjellen på hjort og dyra i Afrika var at eg ikkje klarte å skyta gjennom dyra slik eg ofte gjer på hjorten. Så neste gong kjem eg til å gå opp til 180 grs. kule. Skytavstandane kunne variere i frå 30 - 300 m, men det var likevel du som skyttar som bestemte om du ville skyta eller ei.
Impala
Sabelantilope, smygjakt
Trofebehandling av skinna
Opphaldet:
Mat og losji var heilt topp. Eiga kokke lagde dei flottaste tre rettars middagar kvar dag. Dei fleste av middagane var ute med levande lys og bål.
Siste kveld der alle tilsette dansa og song for oss
Ein kveld var me ute i ”jungelen” og fekk servert mat i frå “den sorte gryte”; ein spesialitet frå Afrika. Reinhard hadde ofte med nokre venner som åt i lag med oss under middagen, dette var hyggeleg og praten gjekk lystig. Etter middagen var det fri bar for alle, men tidleg jakt kvar morgon begrensa tida i baren.
Oppsummering:
Turen blei veldig bra. Grunnen til dette er at eg trur Safari Mangement med Tom Jensen og Reinhard Heuser ynskte å gje oss ei flott jaktoppleving og opphald som skal vera så god som råd er. Dette har dei bevist i måten denne turen vart lagt opp og gjennomført.
Her er alle dyra me felte (kuduen mangler, den blei funnen igjen seinare etter at me var reist)
Totalt felte me 21 dyr på turen. Me har valgt å stoppa ut dyra i Noreg, av di me trur at me får best resultat her. Dyra er ikkje framme i Noreg endå, men eg er heilt trygg på at dette går bra. Snakka med Tom Jensen for nokre dagar sidan, og han sa at alt var i rute.
Me tre hjortejegerne frå Sveio takkar alle som gav oss denne flotte opplevinga på Kwalata Wilderness, særlig takk til Reinhard Heuser og Tom Jensen.
