Vart felt om lag 1400 dyr på Hardangervidda under jakta 2017. Av desse var det ca 230 kalv, som ikkje skal takast prøve av. Så vidt eg hugsar vart det vel sendt inn om lag 600 prøvar. I tillegg vart det ikkje skaffa til veie nok prøvesett før jaktstart, dermed vart me som jaktar på "mindre gode" terreng (Eidfjord statsalmenning, privatar på Eidfjord, til dels Ullensvang/Odda statsalmenning og privatar på Ullensvang / Odda)kun tilgodesett med eitt prøvesett kvar. Dei fyrste 14 dagane av jakta var store delar av stamma på Hardangervidda nettopp på desse terrenga, dermed vart det ei svært god felling her. Men prøvesett var det lite av, dermed vart det teke mindre prøvar enn det burde vore teke. At det som er rekna som gode terreng på Hardangervidda vart tilgodesett med størsteparten av prøvesetta er for så vidt fornuftig, men at ein ikkje greidde skaffe fram nok prøvesett til alle før jaktstart er for dårleg, og noko som forvaltninga må ta på seg.