har kun naturlige ingrediensar som vatn, malt av byggkorn, humle,gjær og
sukker/kandis. Eg bryggar kun 1 gong i året, og det er til jul, så eg
bryggar normalt i slutten av November eller begynnelsen av Desember.
Du treng følgjande ingrediensar for ca 120 liter ferdig øl :
Ca 200 liter vatn
2-3 bæreposer med smågreiner av sprake/brake. Kun ta dei tynneste greinene
på tuppene.
40-50 kg malt ( alt etter kor tjukt/kraftigt du vil ha det )
1 pose med ølgjær ( overgjær)
eller kveik, som er gjær/bunnfall på dunkene frå forrige brygging. Du treng
ca 0,5 liter med gjærstoff.
Sukker/kandis etter behov, alt etter kor søtt maltet er. Det går fint an å
la være søtstoffet.
500 gram humle, Apoteket har, eller skaffer.
Ellers så treng du diverse kjeler, stampar, tønner, bøtter, sil osv for å
lage brygget i. Oechlevekt og ein god temperatur måler kan væra godt å ha.
Det går faktisk an å laga i mindre mengdar f.eks på kjøkkenet, så alt er
mulig etter kva utstyr du har, og plass.
Først er det å koke opp vatnet, som skal bli til sprakelog. Ca 150 liter.
Spraken blir tilsatt og den skal koka i ca 30 minutter. Det er nok med ca 1
bærepose til dette. Resten av spraken må du ha litt i botnen av tønna, som
vørteret skal være på, for å forhindre at kranen i bunnen tettar seg, når
ein renn av vørteret.
Så tar ein litt av malten og heller opp i ein stamp. Dette skal då
tilsettast sprakelog. Ta det i mindre porsjonar, ellers så blir det tungt å
jobba med og ikkje minst hella oppi roste dunken etterpå.
Sprakalogen blir tilsett litt under kokepunktet. Dette er i grunn litt feil,
det skal helst ha rundt 68-70 grader for å få mest mulig søtstoff ut av
malten, men det er slik eg er vant til å gjere det. Dette skal blandast godt
for å fukte kornet skikkelig, før ein har det opp i tønna. Dette blir kalla
for meisking.
Her er meiskinga omtrent ferdig. Veldig viktig at all malten er skikkeleg
blaut av sprakelogen. Ellers så vil ikkje du få nytta alt søtstoffet/smaken
ut av malten.
Meisken blir då helt over i tønna. I botnen av tønna er det ein sil, og i
tillegg er det sprake som ligg oppå silen, for at det ikkje skal tette seg
til så fort, når ein renn det ferdige vørteret ut igjen av tønna. Ha i ein
neve med humle for kvart lag med meiska malt du har i. Og ha i humle på
toppen av tønna også,når du har hatt i all sprakelogen. Detta skal hindra at
vørteren blir sur, spesielt er det viktig i den varmare halvdelen av året,
då må du ha i ofte meir humle enn om vinteren.
Her er tønna snart full og det er 50 kg malt og 150 liter sprakelog på den.
Tønna blir inntulla i isolasjon og skal stå til morgonen etter.
Då skal ein begynna å renna vørteret. Enkelte begynner med brygginga tidlig
om morgonen, og renner vørter heile dagen, og kokar den opp på kvelden. Så
det er mulig å gjere også. Men eg synst at det er betre å gjera det på denne
måten her. Men i sommar halvåret, så må du bruke ein del humle, må minna
dette. Det er veldig viktig, ellers so kan ølet/vørteret fort bli surt.
Temperaturen på vørteret bør heller ikkje bli for lav, så eg pleier å starte
på Fredag etter jobb, vaske alt utstyret og koke sprakelog og setter i tønna
ca 23.00-24-00 om kvelden. Så tar eg den igjen i 08.00 tida om morgonen. Då
er framleis vørteret ganse varmt.
Slik ser det ut etter ei natt der rosten har fått stått og godgjere seg. Så
er det å begynne å tappe ut dei edle dråpene i ørsmå mengder. Du må renne
veldig seint, dvs opne kranen ikkje meir enn ca 1/3, ellers so får du for
masse gjennomstrauming av vørter, og kranen tettar seg fortare. Ikkje fyr
opp, eller sett kjelen på varme, før du har et par cm med vørter i botnen.
Då er det fort at du svir botnen av kjelen, og deu får svismak på ølet.
Eg brukar og fyre opp, og ha på 50-60 liter med vatn om morgonen, sånn at eg
heller på rostedunken til slutt og renn igjennom det siste av vørteret. Så
har eg over litt vørter i kjelen, og sett den over flammen igjen.
Og her er dei første edle dråpene begynt å renne i bøtta. Rett etter dette
bildet tok eg ein smaksprøve og dette er knallgodt stoff. Det er som
karamell som smelter på tunga..... Det som sagt viktig er at ein renner
veldig lite til å begynne med. Ellers så er faren for å tette kranen med
malt veldig stor.
Her er all vørteret kome over i kjelen. Og det er såvidt begynt å småkoke
litt. Dette skal koke heilt til bindevevet i malten begynner å klumpe seg
sammen og flyt opp, det går ca 1.5 time. Dette blir då silt av sammen med
skummet på toppen med et vanlig dørslag ( håndsil ). Når dette er gjort skal
humla tilsettes og koke sammen med vørteret.
Og her er humla tilsatt og denne skal koke ei stund, slik at den får satt
seg i ølet og ein får god humlesmak. Om vinteren og spesielt julebrygget
skal ikkje væra mykje humla. Men om sommeren er det viktig å humle masse på
grunn av temperaturen og at ikkje ølet skal bli surt. Etter den har fått
satt sin smak, så siles denne også av med dørslag. Det finnest også ein
fleire typer humle pellets som kan være i lag med ølet ut koketida. Så siles
den av i det det blir helt over i tønna igjen.
Her er det nesten ferdig. Humla er silt av og det har kokt tilstrekjeleg
lenge. Det siste skummet blir også silt av før det blir tappa over. Så er
det tid for å smake å sjekke om alt kjennes riktig ut. Er det nok søtstoff,
nok humlesmak og er det tjukt nok. Hvis alt er riktig er det kun å teste kor
mykje søtstoff som er i ølet. Dette gjer eg for å sjekke kor langt eg kan la
ølet gå med gjærstoffet. Dette blir gjort med Oechslevekt og dette blir
notert ned. Ølet går og brenn ut ca 80 Oechsle grader. Min viste ca 105 dvs
at det er 25 igjen når det er ferdig. Då er det fortsatt ein del søtstoff
igjen i ølet og dette gjer at smaken blir rund og god, samtidig at det
holder seg lenge. Har hatt ølet i 1 år og 4 mnd på tett ståltank og det var
reine cognac`en som var i bunnen av tanken... Likar du mindre søtt øl, så
går du ned i mellom 10-15 oechlegrader. Men det er greitt å ha det ståande
på dunkar og brenne ut siste søtstoffet, det går alltid litt etterpå.
Etter dette blir gjærstoffet tilsett. Eg bruker ølgjær og de blir rørt ut i
kun vatn på ca 25 grader. Dette skal stå i ca 15 minutt og tilsettes vørter
og skal stå til det begynner å gå. Så blir dette helt over i vørteret på ca
30 grader. Så dekkes tønna til med isolasjon og dette skal stå i et par
dager og gå. Så må ein igjen sjekke med Oechslevekt kva gradene seier.
Bruker ein ikkje Oechslevekt så er det i grunn berre å smake på ølet for å
kjenne om det er riktig med tanke på sukker innhold. Når ølet skal tappes,
blir det ofte holdt det me kaller for oppskåke. Då tar du og inviterer ein
gjeng venner og tester ut ølet. Dette skal då drikkes varmt med at av
gjærstoff i. Det er futt i det brygget då . Eg pleier å ta det helga etter
eg har tappa over ølet. Då er det tid for testing.
Når du tapper det over på dunker la det stå med korkene veldig lett snørt.
Ølet går ei heil stund etter det er tappa over og du sprenger dunkene om du
tetter korken for tidlig. Har sjøl tetta ei NOFO kanne så mykje at den blei
sprengt ut så håndtaket ikkje var mulig å ta hånda igjennom.
Brukar du kveik/gjærstoff frå forrige brygging, så sett du gjærstoffet i ei
halv 10 liters bøtte med vørter på ca 30 grader. So ser du at det begynnar å
gå, og kome litt skum på toppen, før du rører det i resten av vørteret.
Etter ei stund blir det igjen tappa over i nye dunker eller ståltanker når
gjærstoffet har fått sige litt til bunns.
Så er det berre å nyte fruktene av det ein har laga, og kose seg med
heimebrygga øl.
Her er tappinga av brygget. Det har gått i ca 3 døgn, og det meste av
sukkeret er utbrent.
Her er eit glass med heimebygga øl. Detta er juleølet som eg brygga, og det
er mørkt, litt søtt, tjukt og skal smake rikelig med malt, og lite humle.
Vel og merka etter min smak. Og når det gjeld heimebrygging, so er det lika
mange meiningar om smak, som det er folk.
Viktige momentar med brygging :
- Du må ha reine ting som du skal bruka, kjele, rørestav, sil, bøtter,
stampar og tønner. Eg vaskar alltid etter eg er ferdig å brygga, og alltid
før eg bryggar neste gong, so alt blir dobbelt vaska. VIKTIG !!
- Tenk over kva du brukar av tid på kvar oppgåve, det er ikkje so lett
første gonga ein bryggjar, men noter ned, og ta vare på til neste gong. Du
huskar garantert ikkje alt til neste gong du bryggar,og noterer du ned, så
har du feila du gjorde sist, som du kan forbetre.
- Kjøp deg Oechlevekt og ein temperatur måler, først som sist. Det må du ha.
- Notern ned kor mange oechelgrader når du satte i gjæren og når du stoppa
den. Det er veldig greitt å ha med seg.
- Ikkje fortvil, dersom det ikkje går bra første gonga. Det er fort gjort å
hoppe over ting, eller at det går dårlig og ølet kan bli surt. Hygiene og
temperatur er veldig viktige stikkord her.
- Ta gjerne kontakt med meg, dersom du skal bryggja, so skal eg svare etter
beste evne.
Lykke til !
| < Forrige | Neste > |
|---|
